聲夢傳奇2｜金永衡哥哥原來有份為193 MV襯造型 金仔自覺較靚仔：啲人話佢似細佬

ERROR成員「193」郭嘉駿昨日（14日）第三首個人單曲《越州公路193》，MV更特別找來「Do姐」鄭裕玲客串，認真威水。幕後團隊方面亦功不可沒，除了有ERROR的造型師Lok之外，原來造型團隊內有兩位幫手是來自193主持的時裝比賽節目《Fashion Killer》。其中一位參賽者是TVB《聲夢傳奇2》學員金永衡（金仔）的哥哥Sean！

{{hket:inline-image name="314296901_216007240780949_1126432231107138108_n.jpg"}}{{/hket:inline-image}}

同場加映：《空肚講宵夜》三周年丨「八婆」成陳俞希代名詞人人恨要 蔡瀚億梁祖堯感恩觀眾睇得開心

{{hket:ul-video id="7197"}}{{/hket:ul-video}}

在193的MV出街後，Lok在IG撰長文感謝幕後團隊。期間他爆出造型團隊內有兩位幫手是來自電視台時裝比賽節目《Fashion Killer》嘅參賽者。他解釋找寶珠及Sean幫手的原因：「因為喺呢幾個月節目拍攝期間，一直留意到唔同參賽者嘅長處，覺得如果可以比佢哋參與到真實MV拍攝就真係可以貫徹呢個節目嘅初衷，而郭生聽到之後都好同意。」

他又指Sean是做buyer出身，「對唔同品牌有充分認知，襯名牌衫係一件事，不過要將名牌衫套用喺劇本指定角色上就係另一回事了。」

{{hket:inline-image name="319586014_212519711212217_1698175629346369989_n.jpg"}}{{/hket:inline-image}}

之前金仔接受《晴報》訪問時已爆哥哥將會亮相電視台節目，原來指的就是將於下個月在ViuTV播出的《Fashion Killer》。金仔今日接受《晴報》訪問，表示哥哥一直都是任職Fashion Buyer，有時會兼職做model同stylist，「今年佢啱啱喺上海做完嘢返嚟，而家做緊Freelance。」

金仔指在參加《聲夢傳奇2》時，哥哥都會擔任他的形象指導。他說：「有時襯衫都會用佢衣櫃啲嘢嚟襯，佢實在太多衫！」問到驚唔驚兩兄弟打對台？他就表示：「唔驚喎，但可惜我哋唔同台，應該無咩機會合作。」金仔又表示期待哥哥有份參加的節目出街，「佢講到好緊張、刺激咁！」

Sean比金仔大兩年，兩兄弟感情相當好。金仔更曾表示自己是受哥哥影響，因而踏上音樂之路。身為港韓混血兒的兩人都有著俊俏的外表，問到金仔覺得邊個靚仔啲？他就笑言：「我覺得我靚仔啲，但我所有親朋戚友都覺得我阿哥靚仔啲。我覺得佢哋係盲囉，哈哈！」金仔又補充：「啲人覺得佢似細佬多啲！」

聲夢傳奇2｜金永衡豪宅內貌裝修高雅似皇宮 今屆學員唔少人出身非富則貴【下一頁】

撰文：娛樂組

圖片來源：金仔、Sean、Lok IG圖片